Meta: Raporti për arsimin në Shqipëri, kambanë alarmi

“Renditja e Shqipërisë e fundit në rajon dhe Europë për cilësinë e arsimit është një sinjal i fortë alarmi për të gjithë shoqërinë”.

Kështu deklaroi presidenti Ilir Meta gjatë një konference për mediat, ku nënvizoi se kjo situatë është një kambanë alarmi.

“Është një kambanë që bie jo vetëm për qeverinë, por për parlamentin në mënyrë të veçantë, për shoqërinë civile, për organizatat rinore dhe mënyrë të veçantë për çdo familje shqiptare”, tha kreu i shtetit.

Sipas presidentit është e patolerueshme që të kemi rreth 40% të popullsisë të moshës 25-39 vjeç vetëm me arsim fillor.

Pyetjes së “Euronews Abania”, se a ka ndonjë emër për pasuesin e tij në detyrë, Meta u shpreh se e rëndësishme është që Presidenti i ardhshëm të respektojë Kushtetutën dhe të mbrojë interesat e popullit.

“Nuk kam asnjë emër. Për mua është e rëndësishme që Presidenti i ardhshëm të respektojë Kushtetutën, të mbrojë sovranitetin dhe integritetin e popullit. Të udhëhiqet nga integriteti kombëtar dhe interesi kombëtar. Kjo është për mua e rëndësishme”, tha Meta.

LEXONI GJITHASHTU

• Meta tregon arsyen pse u largua nga Partia Socialiste në vitin 2004