Meta: Veliaj e ka treguar se ka nën kontroll prokurorinë dhe SPAK-un

Ilir Meta akuzoi Erion Veliajn se ka kontroll mbi prokurorinë dhe SPAK.

Gjatë një interviste në Now, Meta tha se kryebashkiaku e provuar këtë, duke u nisur nga shembulli i fundit kur për FSHF-në Veliaj u shpreh se “është ishulli i fundit që nuk kemi kapur”.

“Veliaj firmoste në emër të gjithë qytetarëve të qarkut të Tiranës për inceneratorët që të zhytet i gjithë qarku nëpër borxhe e të paguajë taksa. Ky nuk e ka problem, e ka treguar se kontrollon prokurorinë, SPAK-un”, tha Meta.

Meta përmendi edhe rastin e Teatrit Kombëtar, që u shemb “edhe pse ishte në proces në Gjykatën Kushtetuese, edhe pse Komisioni Evropian bëri thirrje që të mos kryhet ky akt”.

Kullat e larta që janë ngritur kryesisht rreth qendrës së Tiranës vitet e fundit, Meta i quajti “kulla lirie”.