Mik me Indrit Doklen, kush është Fatjon Murati, pronari i lokalit në Tiranë

Fatjon Murati është pronari i lokalit ku mbeti e vrarë Mimoza Paja  60-vjeç dhe u plagosën  6 persona të tjerë si pasojë e të shtënave me armë zjarri.

Si pasojë e të shtënave me kallashanikov nga persona të paidentifikuar mbetën Sahit Murati, Astrit Mera, Emanuel Sala, Ermir Bejuku dhe Genc Shohalli dhe një fëmijë në moshën 10 vjeçare.

Ngjarja ndodhi në rrugën “Josif Shkëmbi” në Don Bosko në Tiranë.

Kush është Fatjon Murati?

Fatjon Murati dyshohet se ka qenë një ndër personat që është kërkuar nga Prokuroria Kurbin për t’u marrë në pyetje lidhur me masakrën me tre të vrarë në Fushë-Krujë, ku tre persona mbetën të vrarë, për shkak të dyshimeve se ka qenë një nga organizatorët e atentatit. Nuk dihet nëse shpallja në kërkim ka lidhje të drejtpërdrejtë me ngjarjen e Fushë-Krujës. Po për të njëjtën ngjarje është pyetur edhe Indrit Dokle i cili ka deklaruar se nuk ka asnjë lidhje atentatin dhe më pas është lënë i lirë.

Në masakrën e Fushë-Krujës mbetën të vrarë Brilant Martinaj, Diklen Vata e Besmir Hoxha, të cilët u qëlluan me rreth 60 plumba kallashnikovi në makinën Volkswagen Passat, me të cilën po lëviznin drejt Laçit. Nga breshëria e plumbave makina mori flakë dhe për pasojë prej tyre u shkrumbuan. Vetëm Vata mundi të dalë nga makina, por agresorët u rikthyen sërish dhe u siguruan të vdiste. Viktimat ishin me precedent kriminal në fushën e krimeve ndaj personit, pjesëtarë te grupit kriminal të Ervis Martinajt.

LEXONI GJITHASHTU: 

• Zbardhet emri i viktimës dhe 5 të plagosurve në lokalin në Tiranë
• Arben Meçe: U sekuestruan 36 prona private dhe iu kaluan shtetit