Ministri i Drejtësisë bën bilancin e 2022: Miratimi i hartës gjyqësore një arritje

Ministri i Drejtësisë, Ulsi Manja e cilësoi si një sukses në fushën e drejtësisë miratimin e hartës së re gjyqësore. Vlerësimet e tij Manja i bëri gjatë një konference për shtyp këtë të mërkurë, ku bëri një përmbledhje të punëve të bëra dhe objektivave të dikasterit që ai drejton.

Manja bëri me dije se riorganizimi i gjykatave pritet të përfundojë në korrik të vitit 2023.

“Miratimi i hartës së re gjyqësore ka qenë një arritje e jona, sa i përket politikave në fushën e drejtësisë. Dhe për vitin 2023 objektivi kryesor mbetet zbatimi i hartës së re gjyqësore në bashkëpunim të ngushtë me Këshillin e Lartë Gjyqësor. Fillon më 1 shkurt me riorganizimin e gjykatave të Apelit, vazhdon më pas me riorganizimin e gjykatave të Shkallës së Parë dhe për tu përmbyllur në korrik të vitit 2023 me riorganizimin e Gjykatave Administrative të Shkallës së Parë.

Si një arritje tjetër Ministri i Drejtësisë nënvizoi dhe zgjatjen e afatit të organeve të vetingut.

“Arritje tjetër është shtyrja e mandatit të organeve të vetingut. Tashmë dihet që vetingu do të mbyllet në vitin e 2024, këtu gjej rastin që të falenderoj edhe opozitën për votën e dhënë në parlament”, tha Manja.

LEXO GJITHASHTU:

• “Hoqëm 5 licenca të përmbaruesve e 10 të noterëve”, Manja tregon arritjet e 2022
• Bledi Çuçi: Në 2023 do krijojmë njësi speciale për kontrollin detar