Ministri i Jashtëm egjiptian udhëton drejt Uashingtonit, do të takohet me sekretarin Rubio

Ministri i Jashtëm egjiptian Badr Abdelatty është nisur për në Uashington për t’u takuar me Sekretarin e Shtetit të SHBA-së Marco Rubio. Sipas Ministrisë së Jashtme në takim do të diskutojnë zhvillimet e fundit rajonale.

Zyrtarët egjiptianë ishin ndër ndërmjetësit e përfshirë në bisedimet që zgjatën disa javë dhe që kulmuan me takimin e së shtunës midis zyrtarëve amerikanë dhe iranianë në kryeqytetin pakistanez, Islamabad.

Një burim rajonal i tha CNN më parë se mund të ketë një raund tjetër negociatash dhe se Turqia po punon për të kapërcyer hendeqet midis dy palëve.