Ministri i Jashtëm viziton Kievin, Hasani: Shqipëria qëndron krah Ukrainës

Ministri i Jashtëm Igli Hasani takoi në Kiev presidentin e Ukrainës, Volodimir Zelensky ku siç njoftoi përmes një reagimi në rrjetet sociale, konfirmoi edhe një herë qëndrimin e Shqipërisë krah Ukrainës në rrugën drejt paqes dhe sigurisë.

Ministri tha se u mbajt një memorandum mirëkuptimi, fokusuar në bashkëpunimin në integrimin evropian, ndërsa më herët vendet kanë firmosur  marrëveshje për forcimin e miqësisë.

“Këta hapa përfaqësojnë progres të rëndësishëm në forcimin e marrëdhënieve midis vendeve tona dhe riafirmojnë angazhimin tonë për një partneritet të fortë dhe të qëndrueshëm”, shkroi Hasani në rrjetin “X”.

Ministri i Punëve të Jashtme, pati takime edhe me kreun e parlamentit, kryeministrin, numrin 2 të qeverisë dhe homologun e tij. Hasani po merr pjesë në takimin e ministrave të jashtëm në Kiev, i cili vjen në një moment kritik për Ukrainën në sfondin e agresionit ushtarak të Rusisë kundër saj, sulme të cilat në fund të vitit të shkuar prekën edhe godinën e ambasadës shqiptare atje.

LEXONI GJITHASHTU:

• Sulmi rus ndaj ambasadës në Kiev, flet ish-ambasadori i Shqipërisë në NATO
• Rusia kryen sulm vdekjeprurës në Kiev