Ministri i Mbrojtjes, Niko Peleshi paraqitet në SPAK

Ministri i Mbrojtjes, Niko Peleshi, është paraqitur mëngjesin e sotëm në SPAK, pas një fletëthirrjeje nga Prokuroria e Posaçme.

Ende nuk ka informacion lidhur me atë se për çfarë është thirrur Peleshi në SPAK.

Kujtojmë se më herët Peleshi ka mbajtur edhe detyrën e zëvendës-kryeministrit në periudhën 2013-2017.

Gjithashtu në periudhën shtator 2017 – janar 2019 Peleshi ka shërbyer si Ministër i Bujqësisë dhe Zhvillimit Rural.

Në të kaluarën, në vitin 2019, Peleshi është pyetur në Prokurorinë e Tiranës për dosjen e njohur “silikon mix”.

Bëhet fjalë për pesticidin e rrezikshëm për të cilin u hetua se si një sasi e bllokuar nga AKU, u zhbllokua me urdhër të Ministrisë së Bujqësisë kur drejtohej nga Peleshi.

LEXONI GJITHASHTU:

• Hapet baza e Kuçovës, Peleshi: Erdhi koha që të ndihet jehona e avionëve të NATO-s
• NATO/ Ministrat e Mbrojtjes mblidhen në Bruksel, Peleshi tregon detajet për Euronews