NATO/ Ministrat e Mbrojtjes mblidhen në Bruksel, Peleshi tregon detajet për Euronews

Ministrat e Mbrojtjes janë mbledhur ditën e sotme në Bruksel, ku i pranishëm është dhe ministri i vendit tonë, Niko Peleshi. Ky i fundit në një intervistë për Euronews Albania, tregoi se cilat çështje do të trajtohen në këtë mbledhje.

Ai theksoi se do të ngrenë shqetësimin e vatrave të nxehta në Ballkanin Perëndimor, konkretisht kërcënimin e Kosovës nga Serbia.

“Jemi këtu dhe për të sjellë gjithmonë vëmendjen dhe rëndësinë strategjike që Ballkani Perëndimor ka. Çështjet e sotme lidhen me angazhimin e  vendeve për të alokuar 2% e GTP së tyre për sigurinë dhe mbrojtjen. Është në axhendën e NATO-s nevoja për t’i bërë  më mobile dhe më të qarkullueshme kapacitetet ushtarake në rast nevoje apo agresioni. Do ngremë çështjet e korridorit të 8-të. Ajo që na shqetëson më shumë janë vatrat e nxehta në Ballkanin Perëndimor, siç është veriu i Kosovës apo provokimet nga Republika Sërpska”-tha ai.

I pyetur nëse NATO është e shqetësuar për armatimin e Serbisë, Peleshi theksoi: Shtrirja e influencës ruse në Ballkanin Perëndimor apo edhe e Kinës shikohet me shqetësim dhe nga NATO shikohet si një premisë për të pasur riaktivizim të konflikteve. Ka disa vende të krahut lindor të NATO-s  duke filluar nga vendet baltike që ndjehen të kërcënuar nga Rusia dhe çështja është nëse do të ndodhë, larg qoftë, që konflikti në Ukrainë të mos përfundojë me fitoren e Ukrainës, kjo do të sillte një pikëpyetje për të gjithë vendet baltike se kush ka radhën më pas.

LEXONI GJITHASHTU: 

• Pse nuk e takon Blinkeni? Basha: Marrëdhëniet me SHBA strategjike, nuk futen në…
• Gazetari: Vijnë vajza nga Shqipëria dhe prostituojnë në qendra masazhi në Kosovë