Ministri Peleshi: Kemi përmirësim të situatës së krijuar nga moti i keq

Ministri i Mbrojtjes, Niko Peleshi thotë se në vend ka pasur një përmirësim të dukshëm të situatës që u krijua gjatë këtyre ditëve nga moti i keq.

Përmes një njoftimi në rrjetet sociale, Peleshi u shpreh se aktualisht nuk ka banesa nën ujë në Shkodër dhe Lezhë.

Ndër të tjera, ai bëri të ditur se po punohet për zhbllokimin e aksit Bogë-Theth, Qafë Thore-Theth dhe Dushaj-Lekbibaj.

“Në të gjithë territorin e vendit ka patur përmirësim të dukshëm të situatës që u krijua gjatë këtyre ditëve nga moti i keq. Nuk ka banesa nën ujë në Shkodër e Lezhë, por forcat e emergjencave civile, të ndihmuara edhe nga efektivë të FA po qëndrojnë pranë banorëve në zonat, ku ka patur kërkesë për ndihmë.

Po punohet me borëpastruese nga firmat kontraktore dhe ARRSH për zhbllokimin e disa akseve në veri të vendit, në Bogë-Theth, Qafë Thore- Theth, Dushaj-Lekbibaj dhe kriposjen e disa akseve ku ka prani bore. Në të gjitha akset rrugore kombëtare qarkullimi është i lirë. Janë dërguar ndihma nga Rezervat e Shtetit si: ushqime, batanije, e çadra për familjet në 4 bashkitë e prekura nga tërmeti i 15 janarit në qarkun e Dibrës”, shkroi Peleshi në Facebook.

LEXONI GJITHASHTU

• ARRSH: Ja cilat janë segmentet më problematike
• Mbi 1200 hektarë tokë të përmbytura, si është situata në Shkodër
• Hysenllari: Në Durrës, Vlorë dhe Shkodër probleme me energjinë elektrike nga reshjet