Hysenllari: Në Durrës, Vlorë dhe Shkodër probleme me energjinë elektrike nga reshjet

Drejtori i Drejtorisë së Gatishmërisë Emergjente, Robert Hysenllari deklaroi se reshjet intensive gjatë ditëve të fundit, kanë sjellë edhe probleme me energjinë elektrike.

Në emisionin “Good Morning Albanians” në Euronews Albania, Hysenllari nënvizoi se qarqet me të prekura nga kjo problematikë, janë Durrësit, Vlora dhe Shkodra.

“Kemi pasur problematika. Problematika me energjinë kanë qenë kryesisht në qarkun e Durrësit, Vlorës dhe Shkodrës. Kjo sepse bregdeti u shoqërua me reshje, por edhe me erë të fortë.

Nga kjo u shkaktuan këto problematika. Edhe në Korçë ka pasur erë të fortë, paçka se sasia e reshjeve nuk ka qenë shumë e madhe”, theksoi ai.

LEXONI GJITHASHTU

• Hysenllari: U deshën 6-7 orë reshje intensive që Shkodra dhe Lezha të përmbyteshin
• Prisnim reshje, por jo në këtë nivel, thotë nënkryetari i Bashkisë Lezhë
• PD: Mbi 11 hektarë tokë e përmbytur në Lezhë, asnjë investim nga bashkia dhe qeveria