Ministri serb: Ekziston rreziku i vrasjes së presidentit Vuçiç

Ministri i Punëve të Brendshme të Serbisë, Aleksandër Vulin deklaroi këtë të shtunë se ende ekziston rreziku i vrasjes së presidentit Aleksandër Vuçiç.

Sipas tij, për sa kohë shtetasi malazez Radoje Zvicer është ende i lirë, vrasja e Vuçiçit është e mundur, shkruan Danas.

“Përderisa (Radoje) Zvicer është i lirë, vrasja e Vuçiçit është e mundur, ne nuk e dimë se kush qëndron pas klaneve dhe derisa kjo të zbulohet, kërcënimi për jetën e presidentit rritet çdo ditë”, ka thënë Vulin.

Ai shtoi se në rastin e klanit Veljko Belivuk është vërtetuar aktakuza për shtatë vrasje.

“Një nga të pandehurit ka pranuar se ka vrarë pesë persona dhe do të ketë më shumë viktima, jam i sigurt për këtë”. Sa i përket policisë, ne e bëmë punën tonë”, theksoi ai.

Radoje Zvicer, një nga të dyshuarit nga autoritetet serbe për planifikim të një atentati ndaj Vuçiç, konsiderohet një nga krerët e klanit Kavaç dhe akuzohet për organizimin dhe urdhërimin e disa vrasjeve në territorin e Malit të Zi dhe vendeve të tjera.

LEXONI GJITHASHTU

• Ballkani nuk mund të jetë në paqe dhe i suksseshëm pa Serbinë, thotë Vulin

• Vetëm 13% e serbëve pranojnë një marrëveshje Kosovë-Serbi me kufijtë ekzistues