Ministria i përgjigjet Luiza Gegës, Manastirliu: Vazhdojmë të mbështesim garat e saj

Ministrja e Arsimit dhe Sportit, Ogerta Manastirliu i është përgjigjur Euronews Albania lidhu me mungesën e shpërblimeve për atleten shqiptare Luiza Gega.

Në një deklaratë pas mbledhjes së qeverisë, Manastirliu tha se ministria vijon të mbështesë garat e atletes përmes shpërblimeve dhe sigurimit të kushteve lehtësuese për përgatitjen e saj.

“Qeveria është e angazhuar në mbështetjen e sportistëve tanë, e kemi treguar mbështetjen edhe për Luiza Gegën. Përtej shpërblimeve, janë edhe të mbështetur nga të gjithë aspektet e tjera, me pjesëmarrjen në trupën e Forcave të Armatosura. Do të vijojmë ta mbështesim në garat e saj. Gjatë vitit 2022-2023 e kemi mbështetur në 13 gara ballkanike dhe jo vetëm, do e vlerësojmë siç e kemi vlerësuar. Mbështetja vjen përmes shpërblimeve dhe përgatitjes së sportistëve do të vijë dhe nuk do të mungojë as për Luiza Gegën”, tha Manastirliu.

LEXONI GJITHASHTU:

• “Më duhen 70 mijë € në vit”, Luiza Gega: Të kushtueshme suplemementet e fizeoterapia
• Luiza Gega tregon bisedën e Edi Ramës dhe Evis Kushit për shpërblimin e saj