Ministrja finlandeze: Është koha që të liberalizohen vizat me Kosovën

Është koha që të liberalizohen vizat për qytetarët e Kosovës, si i vendi i vetëm në rajon që nuk gëzon lirinë e lëvizjes.

Kështu ka deklaruar Ministrja e Finlandës për çështje evropiane, Tytti Tuppurainen në një intervistë ekskluzive për KosovaPress.

Tuppurainen theksoi se Finlanda mbështet edhe kërkesën e Kosovës për t’u bërë anëtare e Këshillit të Evropës dhe në organizatat ndërkombëtare të sigurisë.

“Finlanda është në favor të liberalizimit të vizave për Kosovën. Sigurisht që e meritoni. Të rinjtë tuaj e meritojnë. Kam takuar shumë të rinj kosovarë që janë të etur për të udhëtuar, për të pasur të drejta të barabarta për të udhëtuar.

Kosova është i vetmi vend në Ballkanin Perëndimor që nuk ka liberalizim të vizave. Dhe tani është koha për ta dhënë atë. Finlanda është në favor të kësaj dhe ne kemi punuar drejt qëllimit që Këshilli të arrijë marrëveshjen për liberalizimin e vizave”, tha ajo.

LEXONI GJITHASHTU

• Nuk kam dhënë afate për liberalizimin e vizave, thotë Kurti
• ​Osmani: Kundërshtoj çdo kriter të ri për liberalizim të vizave