Martin Jorgaqi, Drejtor i Menaxhimit të Riskut, AKU, ka folur në Euronews Albania mbi problematikën e konstatimit të një sasie filetosh pule të importuara në Portin e Durrësit nga Brazili, të kontaminuara me Salmonelë.

Jorgaqi ka bërë një pasqyrim sesi ka nisur aktiviteti që nga pika e inspektimit deri tek hetimet në subjektin përkatës ku mbahej malli.

Lidhur me këtë, Jorgaqi nënvizon se subjekti në fjalë nuk është treguar bashkëpunues në momentin që trupat e inspektimit do kryenin punën e nevojshme.

“Historia ka nisur me një aktivitet me një marrje monstre, që është një aktivitet mjaft i zakonshëm në pikën e inspektimit kufitar dhe në inspektimet në terren që AKU kryen. U mor monstra në pikën e inspektimit kufitar në ngarkesën nga Brazili, sipas planit të miratuar dhe janë aktivitete që ne i zhvillojmë sipas protokollit. Monstra përfaqësonte një sasi prej afërsisht 8 ton të ngarkesës që ishte në kamion.

Monstra u mor në datë 11 dhe në datë 21 doli analiza. Menjëherë u komunikua me drejtoritë rajonale të qarkut të Tiranës që nxorën inspektim të menjëhershëm duke nisur trupat inspektues në subjektin ku mbahej malli.  Inspektimi u zhvillua në dy ditë, datë 21 dhe 22, duke pasur parasysh rëndësinë e produktit dhe problemit.

Inspektimi në subjekt nuk gjeti as produkt, as gjurmë dhe subjekti nuk u tregua bashkëpunues. Ai e ka detyrim ligjor të paraqesë dokumentacionin, të krijojë ambient të përshtatshëm për inspektimin që të kryhet puna siç duhet. Kjo gjë nuk u arrit dhe trupa inspektuese po mban procesverbalin”, tha Martin Jorgaqi.

LEXONI GJITHASHTU:

• Kush është administratori i kompanisë në kërkim për futjen e pulës me salmonelë
• Fileto pule të kontaminuara me Salmonelë, gazetari tregon importimin nga Brazili