Ish-luftëtari i UÇK-së Dritan Goxhaj tha në “Now me Erla Mëhillin” se pilotët ukrainas nuk mund të stërviten në Shqipëri në bazën ushtarake të Kuçovës, pasi sipas tij Shqipëria nuk ka çfarë t’u japë pilotëve Ukrainës, duke qenë se nuk ka aviacion.

ai tha gjithashtu se kjo bazë do të shërbejë për forcën e reagimit të shpejtë të NATO-s, ndaj ajo do të jetë gjithnjë në shërbim të aleancës dhe nuk do të  mund të bllokohet nga asnjë stërvitje tjetër.

“Do të ishte mirë kjo fantazia, por me fantazi ne ia kalojmë Hollywood-it. Ne  nuk kemi aviacion, me çfarë do i stërvitim ne? Që të marrësh e të stërvitësh pilotët ukrainas duhet të kesh avionë. Ne nuk kemi forca ushtarake, forca ajrore. Ne kemi vetëm disa helikopterë transporti dhe nga ata punojnë vetëm 2, të tjerët kanë zënë hangarët.

Aktualisht pilotët ukrainas po stërviten në Danimarkë, Holandë dhe në Shtetet e Bashkuara të Amerikës për avionët F-16. Ata që i kanë do ua japin pilotëve dhe po i stërvitin. Ne nuk kemi çfarë tu japim dhe nuk kemi për çfarë ti stërvitim. Baza ushtarke e Kuçovës, si të gjitha bazat  ushtarake që janë pjesë e NATO-s, do të përdoret për trajnime të NATO-s dhe për vendosjen në rast të nevojave të NATO-s të forcës së reagimit të shpejtë të NATO-s”,-tha ish-luftëtari i UÇK-së.

LEXONI GJITHASHTU:

• A do e shpallë Zelensky nesër njohjen e Kosovës? Ja si përgjigjet Agim Nesho
• Policia dhe RENEA “blindojnë” Rinasin, kur pritet të mbërrijë Zelensky në Tiranë