Performancat e jashtëzakonshme me kombëtaren shqiptare e më pas me Lokomotivën e Moskës kanë bërë që Mario Mitaj të jetë në qendër të merkatos së futbollistëve shqiptarë, e madje me një rritje të ndjeshme të kartonit të tij. Anësori mëngjarash ka hedhur një tjetër hap në karrierën e tij, duke zgjedhur të huazohet për 1 vit në Saudi Pro League, e konkretisht tek Al Ittihad. Një lëvizje që i kënaq të 3, lojtarin, klubin arab dhe rusët të cilët përfitojnë 1.2 milionë euro. Paga e 21-vjecarit për qëndrimin atje përllogaritet 3 milionë euro.
Klubi arab ka kryer disa lëvizje në këtë merkato verore, teksa eksperienca e mbrojtësit kuqezi pritet të jetë pozitive, pasi do të luajë përkrah emrave si Benzema apo Kante.
Interes për Mitajn shfaqën disa skuadra kryesisht nga Serie A mes tyre edhe Lazio, ndërsa më herët u përfol për Juventusin. Karrierën e ka nisur tek Aek i Athinës, nga moshat për të kaluar në ekipin e parë e më pas në Rusi aty ku numëron afro 40 ndeshje.
Sa i përket situatës së tij te kombëtarja shqiptare, Mitaj u kthye ndër lojtarët kyç, duke u cilësuar një titullar i padiskutueshëm nga ana e teknikut Sylvinho.
LEXONI GJITHASHTU:
- Dilema që “çmendi” Parisin, debati mbi boksieren algjeriane: Burrë apo grua?
- Merkato| Musiala në planet e Guardiolës, Chiesa këmbëngul për largimin nga Juventus
