Mjekja okuliste: Pas moshës 2-vjeçare duhen bërë patjetër kontrolle

Mjekja Klajda Bardhi thotë se një fëmijë i porsalindur duhet vizituar ng okulisti, për të marrë konstatimin e parë nëse është i shëndetshëm apo jo.

Në emisionin “Good Morning Albanians” në “Euronews Albania”, Bardhi u shpreh se për fëmijët dy vjeç, duhet bërë ekzaminimi i plotë për të parë nëse ka ndonjë numër në sy, që më pas mund të rregullohet duke vendosur syze.

“Fëmijët janë përpara tabletit, përpara kompjuterit, aty vihen re çrregullime si nga prindërit ashtu dhe fëmijët, pasi është rritur cilësia e jetesës. Prandaj prindërit shqetësohen dhe menjëherë për problemin më të vogë konsultohen me mjekun.

Një fëmijë i porsalindur duhet të vizitohet te mjeku okulist për të marrë konstatimin e parë nëse është i shëndetshëm apo jo. Më pas, në moshë dy vjeç duhet patjetër të bëhet ekzaminimi i plotë me pika, për të parë nëse ka ndonjë numër në sy, e cila duhet të korrigjohet me syze”, theksoi ajo.

LEXONI GJITHASHTU

• Probleme me sistemin, prindërit në Elbasan s’regjistrojnë dot fëmijët e porsalindur
• Shkolla 1 orë larg, nga klasa e 1-3 nuk ka transport për fëmijët e Kamzës