Mjeku Minarolli: Heqja e tumorit të 30-vjeçarit u bë nga hunda, pa hapje në kokë

Tedi Minarolli, mjek otorinolaringolog tregoi për “Good Morning Albanians” se tashmë është bërë e mundur që operacioni i tumorit në kokë të kryhet nëpërmjet hundës.

Ai e quajti këtë një risi ndërsa tha se për të zhvilluar një gjë të tillë u organizua një ekip nëpërmjet mjekëve të ORL, neokirurgjisë, reanimatorëve dhe stafit.

“Ky operacion përveç risive që foli profesori, ka edhe një lloj risie tjetër që në klinikën e neurokirurgjisë ka disa kohë të mira që zhvillohet, që është aksesi përmes hundës.

Jemi organizuar një ekip nëpërmjet ORL, neokirurgjisë, reanimatorëve dhe stafit, që të bëhet i mundur aksesi në pjesën trunore nëpërmjet hundës që është një operacion më pak invaziv, pra jo me shumë hapje. Por sigurisht që vizualiazimi i masës është më i mirë dhe heqja apo rikuperimi i pacientëve është shumë më i mirë. kirurgji pa hapje nuk ka, por kjo bëhet nga hunda”,-tha mjeku.

LEXONI GJITHASHTU:

• Karamuço: Skandal i madh me gradat në polici! Ndryshuan rregullat gjatë konkursit!
• “Bandat ruse porosi për sulmet në burgun e Reçit”, Karamuço: Si u planifikua