Mjeku tregon problemet në sistemin shëndetësor publik

Mjeku Pirro Prifti tha se në sistemin shëndetësor publik është i nevojshëm një reformim.

Ai tregoi për “Mirëmëngjes” në Euronews Albania se kryesisht qendrat spitalore universitare kanë probleme të mëdha dhe spitalet private janë më eficiente në trajtimin e pacientëve.

Sipas Priftit në shtet është investuar tek infrastruktura, por menaxhimi është problematik.

Pagesat e ulëta të mjekëve dhe infermierëve në raport me Ballkanin dhe Europën, nxjerrin në pah një defekt të madh të Ministrisë të Shëndetësisë që nuk jep urdhëresa për të stabilizuar sistemin. Mjeku u shpreh se spitalet private janë bërë për të plotësuar mangësitë e spitaleve publike.

Ndërkohë, sa i takon mitmarrjes, Prifti ja delegoi si përgjegjësi, rrogave të ulëta dhe mungesës së disiplinës.

Një tjetër pikë ku duhet të ndërhyhet sipas mjekut është dhe shumëpunësimi i mjekëve.

LEXONI GJITHASHTU:

• Spitali Europian në Tiranë sjell pajisjet më të fundit të radiologjisë