Moisiu: Berisha-Nano kërkonin të ndërhynin në mënyrë indirekte në punën time

Ish-presidenti Alfred Moisiu është shprehur se kreu i Partisë Demokratike Sali Berisha dhe ish-kryeministri Fatos Nanos kanë ndërhyrë në punën e tij gjatë kohës që ai ishte president.

I ftuar në emisionin “Now” në Euronews Albania, ai tha se me ta ka pasur një përplasje me ta për prokurorin e përgjithshëm ndërsa tregoi dhe momentin kur donin ta largonin nga detyra.

Pjesë nga biseda

Moisiu: Që kur më propozuan për president republike, u thashë dy fjalë. I falënderova  por u thashë se kam një formim profesional dhe edukatë familjare dhe unë nuk pranojë ndërhyrje në pnët e mia e ju nuk duhet të ndërhyni.

Ma pranuan këtë qoftë me heshtje, qoftë duke thënë se e morën me mesazhin, por në fakt nuk e zbatuan. Prapë kërkonin të ndërhynin në mënyrë indirekte.

Mëhilli: Të dy?

Moisiu: Të dy por më shumë Berisha. Patëm një përplasje për prokurorin e përgjithshëm. Edhe unë kisha mendimet e mia për prokurorin e përgjithshëm. Por kur ngrihet kryeministri dhe thotë ku nuk është për këtë punë dhe duhet ta heqim, kjo nuk është detyrë e tij, Kushtetuta këtë të drejtë ia jep presidentit.

Nëse ti do të ndërhysh  pa biseduar paraprakisht me mua, se bisedat u bën pas pilafit. Atëherë ku është ndarja e pushteteve. Por nevoja për të pasur në dorë çdo gjë mbante peng politikanët dhe po i mban peng dhe sot.

LEXONI GJITHASHTU: 

• Deklarata e fortë e Moisiut: Berisha e Meta po përsërisin Enverin, kanë 32 vjet
• Moisiu: BE t’i thotë Serbisë të zbatojë marrëveshjet e nënshkruara me Kosovën
• Moisiu: Kalova 7 porta për të shkuar tek Thaçi, më erdhi rëndë kur e pashë atje