Mori peng italianin që i vodhi 100 kg kokainë, kush është i “forti” që u ekstradua

8 muaj pas arrestimit në Shëngjin, ekstradohet drejt Italisë, Ardjan Isufaj i shpallur në kërkim nga autoritete e vendit fqinj pasi akuzohet për trafik droge nga amerika latine dhe pengmarrje.

Arrestimi i 40 vjeçarit, erdhi pas prangosjes së 4 bashkëpunëtorëve të tij po nga Shqipëria, të cilët së bashku me 3 shtetas nga Republika Domenikane dhe 1 nga Ekuadori, në nëntor të 2022 tentuan të trafikonin drejt Italisë 100 kilogramë kokainë.

Ngarkesa ishte nisur nga grupi drejt Europës përmes portit të Guajakilit, ku gjatë lundrimit u zhduk nga kontejneri ku ishte vendosur. Përballë kësaj situate grupi në përbërje të së cilit ishte Ardjan Isufaj dhe 4 shqiptarë të tjerë morën peng një shtetas Italian, për të cilin dyshonin se kishte informacione për vendodhjen e drogës.

Për të mësuar fatin e ngarkesës prej 100 kilogramësh 5 shqiptarët e kanë kërcënuar italianin se do e vrisnin. Pas rrëmbimit, drejtuesit e grupit u arratisën drejt Shqipërisë, vend nga ku dyshohet se vazhduan aktivitetin e tyre kriminal të trafikut të drogës nga amerika latine, deri në qershor të 2023 kur u vunë në pranga nga policia.

LEXONI GJITHASHTU:

• Gati dosja për ekstradimin e “të fortit” të Shkodrës
• I akuzuar për vrasje, Kep Arapi kërkon zbutjen e masës së sigurisë. Vendimi i GJKKO
• GJKKO rrëzon Lulzim Berishën, dosja për vrasjen e Vajdim Lamajt kthehet në SPAK