Morinë, tentoi të kalonte mallra kontrabandë, arrestohet 39-vjeçari nga Kosova

Një 39-vjeçar nga Kosova është arrestuar nga policia Kufitare në Morinë, pasi tentoi të fusë drejt vendit tonë një shumëllojshmëri mallrash kontrabandë.

Policia bëri me dije se gjatë kontrolleve në vijë të dytë, në hyrje të vendit, në automjetin tip “Volkswagen” që drejtonte 39-vjeçari, Policia gjeti dhe sekuestroi në cilësinë e provës materiale, një shumëllojshmëri mallrash, disa prej të cilave në kategorinë e mallrave për të cilat duhet paguar akcizë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

LEXONI GJITHASHTU:

• I dënuar për drogë dhe grup kriminal në Itali, arrestohet i “forti” në Durrës
• Arrestohet në Kosovë shqiptari i RMV i dënuar me burg përjetë për rastin Monstra