“Mos u merrni me nervin e Himarjotit”, Manjani: Beleri, ngjarje e rëndë juridike

Avokati Ylli Manjani ishte i pranishëm këtë të hënë në protestën e mbajtur për mbajtjen në burg të kryebashkiakut të Fredi Belerit.

Ai tha se nuk mund të vihet në diskutim vullneti i popullit në vitin 2023 dhe këtë gjë e ka cilësuar si “lojë me nervin e himarjotit”.

“Nuk bëhet shaka me nervin e Himarjotit. E ka gabim ai që luan me nervin e Himarjotit, do ta ketë shumë më keq.

Më tej ai shtoi se nuk mund të ndalohet kryebashkiaku kur atë e ka zgjedhur dhe e ka vendosur populli me votë.

“Nuk i pëlqen?! po mirë as mua nuk më pëlqen Edi Rama , por është kryeministër. S’më pëlqen, por me të pëlqyer është kjo punë?”-tha Ylli Manjani.

Ai shtoi më tej se çështja Beleri është një shkelje e rëndë juridike në shtetin shqiptar.

“Në fund të ditës unë jam avokat dhe më duhet t’ju siguroj ju të gjithëve pa përjashtime ndalimi pastajmë vonë arrestimi dhe mbajtja në paraburgim e kryetarit të bashkisë së Himarës është një ngjarje e rëndë juridike për shtetin e së drejtës në Shqipëri. Shumë e rëndë! E arrestuan me pretendimin se ëhstë kapur në flagrancë, e vetmja që është kapur në flagrancë është policia e shtetit”,-tha Ylli Manjani.

LEXONI GJITHASHTU:

• Manjani në protestën në Himarë për Belerin: Të respektohet demokracia
• Protesta në Himarë për Belerin, të pranishëm kryebashkiaku i Selanikut dhe i Athinës