Moti i keq, dhjetëra fshatra në qarkun e Elbasanit pa energji elektrike

Dhjetëra fshatra në qarkun e Elbasanit vijojnë të jenë pa energji elektrike, si pasojë e motit të keq që ka shkaktuar probleme në sistemin e shpërndarjes, veçanërisht në zonat malore.

Burime nga OSHEE bëjnë me dije se reshjet intensive dhe erërat e forta kanë shkaktuar dëmtime në fidrat që furnizojnë disa njësi administrative me energji.

Pa energji vijojnë të jenë:

– Nj.A Orenjë, Linik, Polis dhe Hotolisht në bashkinë Librazhd

– Nj.A Stravaj dhe Qukës në bashkinë Përrenjas

– Fidri i Banjës në bashkinë Gramsh

– Nj.A Labinot Fushë në bashkinë Elbasan

Probleme janë shënuar edhe në disa akse rrugore të qarkut.

Në aksin nacional Elbasan–Qafë Thanë është raportuar rënie gurësh dhe pemësh në dy raste, ndërsa në aksin Elbasan–Peqin ka pasur dalje aluvionesh.

Inerte dhe aluvione janë shënuar gjithashtu në aksin Elbasan–Gjinar, në zonën e Derstilës, si dhe në aksin Gramsh–Moglicë, në Bersnik.

Për të gjitha rastet është ndërhyrë nga firmat kontraktuese dhe aktualisht akset janë të hapura për qarkullim.

Në qytetin e Elbasanit ka pasur prezencë të madhe uji në disa zona, por pa shkaktuar probleme në qarkullimin e mjeteve.

LEXONI GJITHASHTU:

• Situata nga moti në qarkun Vlorë, rrëshqitje dherash dhe përmbytje në disa zona
• Hapen rrugët e bllokuara nga moti i keq në Elbasan, vijon mungesa e energjisë