Eksperti i sigurisë rrugore, Gëzim Hoxha deklaroi se ka motorçiklistë të cilët punojnë pa pasur një leje drejtimi.

Në emisionin “Good Morning Albanianis” në Euronews Albania, Hoxha u shpreh se jeta e tyre është në rrezik, pasi shpejtojnë për të bërë shpërndarjen te klientët, në mënyrë që të fitojnë edhe ndonjë bakshish.

“Ne duam ta ruajmë motoristin që ai të mos të humbasë jetën, ta parandalojmë. Edhe këshillat që japim, kjo është ideja që nuk duam të ndalojmë askënd nga puna. Por jeta e të tjerëve nuk duhet të jetë në rrezik. Edhe jeta e tij, edhe ai e ka jetën në rrezik. E bën nga problemet e tij, do patjetër të punojë, do t’i shpërndajë picat shpejt që të marrë bakshish. Por kjo sjell pasoja, këto pasoja ne nuk i dëshirojmë”, theksoi ai.