“I detyrohet”- Gazetari: Si Ilir Meta po mbahet peng nga Berisha

Gazetari Flogert Muça është shprehur se kreu i PL, Ilir Meta po shfrytëzon Sali Berishën për të maksimizuar votën.

Në  një intervistë për Euronews Albania, se Meta e di që nuk mund të marrë  bashki nga zgjedhjet e 14 majit, por mund të bëhet faktor kryesor nëpërmjet këshillave bashkiakë.

Më tej ai nënvizoi se secila parti brenda koalicionit do të ketë listën e vet  të këshilltarëve.

“Çfarë do të ndodhë pasi Meta do të vazhdojë këtë rrugëtim me Berishën. Meta nuk është budalla. Meta do të ishte bërë shefi i të tjerëve nëse nuk do të kishte një siklet ose disa detyrime ndaj Berishës. Berisha e ka marrë ‘peng’ Metën.

Berisha nuk e njeh SPAK. Meta po ashtu ka hallet e tij. Të vetmen  mundësi që kanë është të jenë bashkë, të kenë një kapital politik dhe të thonë se janë faktorë stabiliteti. Secila parti brenda koalicionit do të  ketë listën e vet të këshilltarëve. Këtë lëvizje Meta e ka bërë gjatë gjithë historisë së vet politike. Meta e di se nuk ka shanse që të marrë bashki. Nesër mos u çudit nëse do të kaloj në krahun tjetër.

Meta duke shfrytëzuar Berishën, tenton të maksimizojë votën e tij për këshilltarë bashkiak dhe për t’u bërë ai faktor dhe jo Berisha”- tha ai.

LEXONI GJITHASHTU: 

• “A është e dehur?” – Nicole Kidman u soll çuditshëm në Oscar (Video)
• Sali Berisha provon ballokumen e Elbasanit, qytetarët i lidhin verore