Muka: AMA po ndryshon kodin e transmetimit, rastet kur do të ndërhyhet

Drejtori i Autoritetit të mediave audiovizive, Arben Muka është shprehur se janë duke punuar për të ndryshuar kodin e transmetimit.

Në një intervistë për Euronews Albania është shprehur se AMA ndërhyrë në rastet kur nuk zbatohen standartet.

“Ka shumë kërkesa e ankesa që vijnë në AMA. Ne këto i reflektojmë duke monitoruar, duke vlerësuar por dhe duke bërë dhe pjesën e vlerësimit të akteve ligjore. Ne aktualisht jemi duke ndryshuar kodin e transmetimit.  Kodi i transmetimit është i detyrueshëm për t’u zbatuar. Një element tjetër që është i rëndësishëm është fakti se veprimtaria audiovizive është e lirë.

Ajo që shikon AMA është rastet kur nuk zbatohen standartet. Ndërhyrjet e AMA-së bëhen për rastet konkrete. Pra në filan emision, kjo përmbajtje është transportuar në një orar të pa përshtatshëm, por jo që të bëjë katalogun e programeve të televizionit x apo y.”- tha Muka.

LEXONI GJITHASHTU: 

• ‘S’ka më turp’, regjisori shpjegon peticionin kundër programeve që po çedukojnë