Mungesat në tregun e punës, Rama: Njerëz kemi, por janë të pakualifikuar

Kryeministri Edi Rama mori pjesë këtë të martë në Konferencën Kombëtare për Arsimin dhe Formimin Profesional.

Në fjalën e tij kreu i qeverisë u ndal tek mungesa e krahut të kualifikuar për profesione të caktuara në Shqipëri.

Ai shtoi se sfida e dyfishtë qëndron në faktin se nevojat e tregut kërkojnë një rritje të aftësive të të rinjve, por dhe mbajtjen e kapitalit njerëzor brenda vendit për shkak të tundimit nga ofertat nga vende më të pasura.

“Arsimi profesional dhe nevoja për krah të kualifikuar pune e ka bërë 2024 dhe ka shënjuar këtë dekadë si dekadën e një luftë e cila ka nisur dhe intensiteti i të cilës po rritet progresivisht në të gjithë Evropën. Është një luftë për të përballuar pasojat e rënies dramatike demokrafike të Evropës. Është një situatë që na vendos ne përballë një sfide të dyfishtë, rritja e aftësive të të rinjve tanë përballë një tregu gjithmonë e më kërkues dhe nga ana tjetër përballimi i presionit nga vendet e pasura të Evropës për ta thither këtë krah të kualifikuar pune”, tha Rama.

Duke u ndalur tek sektori i turizimit, Rama theksoi gjithashtu se Shqipëria nuk ka mungeë punëtorësh, por ka mungesë të kapitalit njerëzor të kualifikuar që mund t’i kryejë ato punë. Ai tha se arsimi profesional është tepër i rëndësishëm për të lidhur të rinjtë me tregun e punës.

“për sipërmarrësit një ndarje më e drejtë e fitimit me vetë punonjësit nuk është një çështje zemërgjerësia por domosdoshmërie. Duhet krijuar një dialog  istruktuaruar me biznesin e madh për rritjen e kapacitetit të shtetit për të formuar të rinjtë me zanatet dhe aftësitë e nevojshme për tregun në mënyrë që tregu të mos krijojë vende të lira pune të cilat mbeten bosh, jo më për shkak të mungesës së kapaciteteve paguese, por për shkak të mungeës së aftësive për një punë të caktuar. Në industrinë e turizimit, e cila është një industri e re dhe ka një kërkesë marramendëse nga krijimi i Shqipërisë në sytë e botës si një destinacion për t’u vizituar. Të gjitha strukturat hoteliere kanë paga të pakrahasueshme me 3 ose 4 vite më parë por kanë dhe gatishmërinë për të paguar edhe më shumë për të gjitha funksionet dhe rolet. Dhe problemin e kanë te kapitali njerëzor. Kjo shkon në kundërshti me faktin që ne nuk kemi hë për hë, mungesë njerëzish, por kemi mungesë kualifikimi të njerëzve. Nuk kemi mungesë të rinjsh në këtë industri, por kemi mungesë të rinjsh që mund ta zënë një vend duke zotëruar aftësitë që ka nevojë ai vend pune”, tha Rama.

LEXONI GJITHASHTU:

• Punimet për Vlora Marina, Rama: Shqipëria në rrjetin e lundrimit turistik me 5 yje
• Eksperti: Rama goditje të fortë opozitës me ishullin e Sazanit, i mbylli gojën