Myrto Uzuni magjeps Spanjën, disa oferta nga La Liga për shqiptarin

Myrto Uzuni vijon të shkëlqejë në La Liga 2 në Spanjë, ku tashmë është padyshim një lojtar kyç për Granadën.

27-vjeçari po kalon një superformë teksa ka tërhequr vëmendjen e disa skuadrave. Mediat spanjolle pohojnë se Real Betis kërkon shërbimet e sulmuesit berates, teksa Granada do ta ketë të vështirë ta mbajë në ekip pas merkatos së janarit.

10 gola të shënuar dhe 3 asiste në 20 ndeshje me fanellën e Granadas e bëjnë Uzunin golashënuesin më të mirë të kampionatit. Lojtari i kombëtares shqiptare u transferua në sezonin 2021-2022 drejt Spanjës, aty ku provoi dhe elitën e futbollit. Në 15 sfida mundi të shënonte vetëm 1 gol me Granadën që u rendit në vendin e 18-të duke rënë nga kategoria.

Uzuni për dy vite ishte pjesë e skuadrës së Ferencvarosit në kampionatin hungarez ku gjeti 19 herë rrjetën, ndërkohë që karrierën jashtë vendit e nisi në Kroaci tek Lokomotiva e Zagrebit ku dhe aty mundi të linte gjurmë.

LEXONI GJITHASHTU

• Juventus ndërhyn në merkato, Barcelona synon transferimin e sulmuesit të Dortmudit
• Java e 15-të e Premier League, Arsenal ‘kampion’ i dimrit
• Arsenali ndalet nga Southampton, Dortmundi triumfon me goleadë ndaj Stuttgart