“Na ndaluan dhe bënë presion: Ejani me ne!” Rrëfimi i Pecës: Si e arrestuan Metën!

Në konferencën e jashtëzakonshme të mbajtur këtë të hënë nga Partia e Lirisë, sekretari organizativ i kësaj strukture Artemis Peca tregoi me detaje se si ndodhi arrestimi i ish-presidentit.

Peca  ishte së bashku me Ilir Metën momentin e arrestimit të tij ai tha se Meta nuk bëri asnjë rezistencë ndërsa i vetmi veprim ishte kërkesa që efektivët e maskuar të identifikoheshin dhe ti tregonin mandatin.

“Ne po vinim drejt Tiranës dhe afër Casa Italias po shikoja që u bllokua rruga dhe kishte trafik. Ula shpejtësinë e mjetit. Duke ecur avash, pash një makinë që po afrohej. duke qenë i vëmendshëm nga natyra. Na rrethuan makinën dhe dolën disa banditë me maska. Ata nuk kishin as uniforma policie, por vetëm jelekë dhe kishin armë.

U terrorizuam. Na hapën dyert në mënyrë çnjerëzore dhe na thanë hajdeni me ne. I thamë kush jeni ju, na jepni një mandat. Ata po na grabisnin. Për momentin u trembëm. Kur pash që erdhi një makinë policie që erdhi e pash që ishte policia e Edi Ramës dhe policia e dumanit, nuk kishin asnjë vendim asgjë. Na thanë vetëm që do na shoqëronin në komisariat. Në momentin që hynë në komisariat ata nuk po bënin asnjë veprim, asnjë procesverbal. Vinin vërdall dhe flisnin në telefon, ata prisnin urdhra nga lart. Ishte një akt i tmerrshëm”,-tha Artemis Peca.

LEXONI GJITHASHTU:

• Aulon Kalaja: Çfarë më tha Ilir Meta pak para arrestimit, biseda në telefon
• Arrestimi i Metës, Koka: Sjellje barbare, fytyrë e shëmtuar e një vendi që synon BE