Edhe pse deklaroi e siguroi që do të angazhohet dhe do të punojë për të gjithë qytetarët njësoj, në praktikë nuk duket krej e kundërta.
Që nga 24 qershori kur edhe mori detyrën si Kryeministër i Maqedonisë së Veriut, Hristijan Mickovskin e shohim vetëm në vendbanime ku ka shumicë maqedonase.
E enjten në mbrëmje, duke u përgjigjur pyetjes për mundësinë që të shfuqizohet ligji për përdorimin e gjuhës shqipe nga ana e Gjykatës Kushtetuese, në mënyrë nënçmuese tha se shteti nuk është tavolinë suedeze, të marrësh atë që dëshiron e të lësh atë që nuk të pëlqen.
“Unë jam njeri që i respekton ligjet dhe kushtetutën dhe nuk pres që asnjë që merr pagë dhe i gëzon privilegjet nga qytetarët këtu tek ne të mos i respektojë ligjet maqedonase dhe kushtetutën maqedonase. Dhe kjo është. Ndonjëherë mundet që realiteti mos t’iu pëlqejë por ju e keni detyrim që ta pranoni këtë realitet.”-u shpreh Mickovksi.
Vet Mickoski deklaronte se besimi që është vetëm 2% në gjykatat e Maqedonisë dhe kjo tregon se këta gjykatës duhet të largohen.
Por tjetër mendim ka ai kur bëhet fjale për kryetarin e Gjykatës Kushtetuese.
Kjo për shkak se ai u nominua në kohën e VMRO DPMNE-së, nga ish Presidenti, Gjorgje Ivanov, i cili njihet për veprimet kontroverse gjatë mandatit të tij, siç është falja që ai nënshkroi për funksionarët e VMRO DPMNE-së gjatë kohës së regjimit të Gruevskit.
Falje që më pas nga presioni i madh ndërkombëtar e tërhoqi.
LEXONI GJITHASHTU:
- Deputetët në Maqedoninë e Veriut thërrasin kryeparlamentarin Gashi në interpelancë
- Zv.kryeministri i Maqedonisë së Veriut viziton Tiranën, pritet nga Rama e Begaj
