Nafta në Shqipëri dy herë më e shtrenjtë se në SHBA, krahasimi me Europën

Për të bërë një krahasim të çmimit të naftës në Shqipëri me atë në vende të ndryshme të Evropës apo Amerikës, ne kërkuam nga ndjekësit tanë të na dërgonin disa video që tregojnë çmimin në vendet respektive.

Sërish rezulton, se çmimi i naftës në vendin tonë është më i shtrenjtë se në disa vende të Europës apo Amerikës, pavarësisht se paga mesatare apo niveli i jetesës janë disa herë më të larta se në Shqipëri.

“Përshëndetje nga Republika Çeke, ku aktualisht çmimi i naftës është 1 euro e gjysmë”, u shpreh një qytetar.

“Përshëndetje nga Franca, çmimi i naftës është 1.78 euro”, tha një tjetër vajzë.

“Përshëndetje nga Gjermania, ku çmimi i naftës ka shkuar 1 euro e 65 cent”, tha një tjetër shqiptar.

Krahasuar me çmimin e naftës në Shtetet e bashkuara të Amerikës, çmimi i naftës në Shqipëri është 2 herë më i lartë, ndërsa paga mesatare është 8.7 herë më e ulët se në SHBA.

Nga ky vëzhgim në vende të ndryshme të botës, rezulton se Shqipëria, me standard jetese shumë herë më të ulët se ato, e paguan naftën njësoj, apo në disa raste shumë më shtrenjtë.