“Nan” rrëmben çmimin e parë të festivalit të RTSH-së, Alis në Eurovision 2026

Këngëtari Shkodran, Alis, me këngën “Nan” ka fituar çmimin e parë të Festivalit të 64 të Këngës në RTSH.

Kjo fitore i jep automatikisht artistit të drejtën për të përfaqësuar Shqipërinë në Eurovision 2026, që do të zhvillohet në Vjenë, Austri.

Çmimi i parë iu dorëzua Alis nga kryetari i jurisë së Festivalit të Këngës, Ramë Lahaj, i cili në total grumbulloi 152 pikë nga kombinimi i votave të publikut dhe pikëve të jurisë.

Në vendin e dytë u rendit Inis Neziri me 102 pikë, ndërsa Sheila u pozicionua në vendin e tretë me 93 pikë.

Sipas vlerësimit të jurisë, Alis u rendit në vendin e parë, Sheila në vendin e dytë dhe Vedat Ademi në vendin e tretë. Formula e votimit për përcaktimin e fituesit ishte 50% pikët e jurisë dhe 50% votat e publikut, duke garantuar një rezultat të balancuar dhe transparent.

LEXONI GJITHASHTU:

• Spanja nuk heq dorë: S’ka pjesëmarrje në Eurovizion nëse është Izraeli
• Polemikat rreth Izraelit, Austria në dilemë për organizimin e Eurovizionit