Napoli fiton në Bergamo, në Gjermani triumfojnë Bayerni dhe Dortmundi

Napoli ka regjistruar fitoren e 11-të në kampionat, teksa kundërshtari i radhës ishte Atalanta. Ndeshja ishte e luftuar nga të dyja skuadrat, teksa bergamaskët shënuan të parët me Ademola Lukman në minutën e 19.

4 minuta më pas, Napoli u përgjigj me Osimhen, ndërsa goli i fitores u realizua nga Elmaz.

Ndjekësi më i afërt i napoletanëve, pikërisht Milani mori një fitore në limitet e kohës përballë Specias. Hernandez zhbllokoi rezultatin për kuqezinjtë, ndërsa Maldini solli baraspeshën e përkohshme. Një minutë para fundit të kohës së rregullt mendoi i përhershmi Giroud, që shënoi një gol të bukur dhe i dha Milanit 3 pikët.

Në Gjermani, Dortmundi dhe Bayern regjistruan rezultate pozitive këtë fundjavë. Verdhezinjtë fituan 3-0 ndaj Bochumit në shtëpi, ndërkohë rivalët e Bayernit të Mynihut mposhtën Herthën 2-3. Aktualisht Bundesliga udhëhiqet nga bavarezët me 28 pikë, më pas vjen Union Berlin, Dortmund dhe Freiburg. Gara këtë sezon është e fortë, teksa duket se problem po hasin dhe favoritët e kampionatit gjerman.

LEXONI GJITHASHTU:

• Fillon kampionati italian, Fiorentina mposht Torinon në ndeshjen e parë të sezonit
• Milani spektakolar ndaj Salzburgut, Juventus mposhtet sërish nga PSG