Napoli i pafuqishëm ndaj Interit, zikaltrit regjistrojnë fitoren e 11-të

Interi vijon udhëheqjen e kampionatit italian, ndërsa fitorja e radhës ishte ajo ndaj Napolit. Zikaltrit zhvilluan një paraqitje pozitive, ndërsa triumfuan duke mos shpenzuar shumë energji. Tentativat e napoletanëve zgjatën vetëm pak çaste, ndërsa do të ishte Calhanoglu që do të zhbllokonte rezultatin me një supergol në minutën e 44’.

Fraksioni i parë do të mbyllej me avantazhin e një goli nga zikaltrit, ndërsa edhe në të dytin u treguan më kërkues. Në minutën e 61’ Barella vallëzoi në zonën napoletane duke mposhtur Meret për 0-2. 5 minuta para fundit do të vinte dhe goli që vulosi rezultatin 03 me autor Marcus Thuram, i cili mori një pasim të bukur nga Kuadrado dhe e ndali sferën në rrjetë. Me këtë fitore Interi qëndron në krye, me dy pikë më tepër se ndjekësit më të afërt, Juventus.

Të dielën fitore regjistroi dhe Roma, e cila përmbysi Sassuolon në transfertë. Vendësit shënuan të parët me Henrique, ndërsa më pas do të ishin kryeqytetasit të cilët në pjesën e dytë do të kthenin gjithcka në favor të tyre. Dybala në të 76’ dhe Kristensen 6 minuta më pas sollën fitoren për ekipin e Mourinhos duke parakaluar Napolin në renditje. Në sfidat e tjera, Fiorentina mposhti Salernitanën, Lecce barazoi me Bolognan, ndërsa Udinese me Veronën.

LEXONI GJITHASHTU:

• Hidhet shorti i Euro 2024, Shqipëria në grupin e “ferrit”, me Spanjën dhe Italinë
• Kush janë Kombëtaret e kualifikuara në Euro 2024