Gara në kampionatin italian është bërë tejet interesante nga java në javë, ku në krye të klasifikimit qëndron Napoli, i cili e nisi sezonin jo mirë. Skuadra e Antonio Contes numëron 4 fitore në 5 ndeshjet e fundit, mes tyre dhe 1 barazim, duke konfirmuar ecurinë më pozitive në krahasim me ekipet e tjera të kreut. Në javën e 7-të, napoletanët mposhtën Comon 3-1, duke siguruar kështu 16 pikë në ligë.
Sa i përket skuadrave si Milani dhe Juventusi, e diela nuk rezervoi rezultate pozitive; bardhezinjtë barazuan me Cagliarin, ndërsa milanezët u mposhtën në transfertë nga Fiorentina. Juventusi gjeti avantazhin që në minutën e 15 me një penallti të ekzekutuar saktë nga Vlahovic. Fraksioni i dytë nuk shkoi mirë për të besuarit e Thiago Mottës, të cilët u ndëshkuan në fund nga Marin po me një penallti. Ky ishte barazimi i katërt për bardhezinjtë këtë sezon.
Sa i përket duelit Fiorentina-Milan, u akorduan 3 penallti, 2 të shpërdoruara nga Hernandez e Abraham, dhe 1 nga Kean për ekipin violë. Golat u shënuan nga Adli dhe Gudmundsson për Fiorentinën, ndërsa Pulisic shënoi për Milanin, duke e mbyllur rezultatin 2-1. Lazio arriti një fitore të rëndësishme duke përmbysur Empolin 2-1, duke u ngjitur në vendin e katërt në klasifikim me 13 pikë.
LEXONI GJITHASHTU:
- Napoli udhëheq kampionatin italian, Roma barazon me Xhenoan, “ngec” Interi
- Napoli merr kreun e Serisë A, Juventusi i dyti
