Nata aziatike e kinemasë, aktorët e filmit “Gjithçka, kudo” triumfojnë në “SAG”

Filmi “Gjithçka, kudo” ka përforcuar statusin e tij në garën për çmimet Oscar, pasi ka korrur një sërë fitoresh në ceremoninë e Screen Actors Guild Awards.

Aventura në multivers fitoi çmimin për kastin më të mirë të aktorëve, me yjet e tij që u nderuan individualisht.

Michelle Yeoh u emërua aktorja më e mirë, duke mundur pretendenten Cate Blanchett.

“Ky çmim nuk është vetëm për mua, por për çdo vajzë që duket si unë”, tha Yeoh duke iu referuar prejardhjes së saj aziatike.

Aktorja tjetër Ke Huy Quan u bë fituesja e parë aziatike të çmimit për aktoren më të mirë mbështetëse, kategori ku u vlerësua edhe aktorja tjetër e njohur Jamie Lee Curtis.

Filmi “Kudo, Gjithçka” tregon historinë e pronares së një lavanderie, të interpretuar nga Yeoh, që duhet të futet në versione të ndryshme të vetes së saj përmes multiversit, në mënyrë që të shpëtojë botën.

Fitorja e filmit të zhanrit “fiktivo-shkencor” vjen në një moment të rëndësishëm përpara ndarjes së çmimeve Oscar më 12 mars.

LEXONI GJITHASHTU:

• Filmi “Asgjë e re nga Fronti i Perëndimit” fiton çmimin BAFTA
• Shqiptarët shpëtuan amerikanët, Aliçkaj: Doja ta bëja film, më refuzuan skenarin