Producenti amerikan i filmit John Lando, i njohur për punën e tij në filmat “Avatar” dhe “Titanic”, vdiq nga kanceri në moshën 64-vjeçare, raporton Variety.

Lando, një bashkëpunëtor për një kohë të gjatë si producent i regjisorit James Cameron, ka punuar në tre nga filmat me fitimet më të larta të të gjitha kohërave.

“Titanic”, për të cilin producenti fitoi një Oscar, u bë filmi i parë që fitoi më shumë se një miliard dollarë në arkat globale, ndërsa ky rekord u tejkalua nga dy filmat e tij të tjerë – “Avatar” në 2009 dhe vazhdimi ” Avatari: Rruga e Ujit” nga 2022.