Ndalimi i policëve të Kosovës në Serbi/ Reagon Bërnabiç: Ata cënuan rendin

Kryetarja e Kuvendit të Serbisë, Ana Bërnabiç, ka komentuar ndalimin e pjesëtarëve të Policisë së Kosovës nga autoritetet serbe gjatë së mërkurës.

Shefja e parlamentit serb i arsyeton ndalimet, sipas mediave të kosovës, duke thënë se kanë qenë pasi sipas saj ata kanë cënuar rendin kushtetues të Republikës së Serbisë.

“Unë supozoj se njerëzit më në fund i janë përgjigjur thirrjeve për të mbrojtur rendin kushtetues të Republikës së Serbisë dhe çdo institucion të vetëm në këtë vend. Askush nga bashkësia ndërkombëtare nuk ka reaguar me vite për gjithçka që po bën Albin Kurti, për keqtrajtimin e atyre njerëzve, mendoj se do ta mirëpresin këtë tani”.

Gjatë së mërkurës qindra qytetarë nga Kosova u bllokuan nga Serbia në pikën kufitare me Kroacinë. Autoritetet serbe ndaluan 10 zyrtarë policorë, në mesin e tyre edhe zëvendësdrejtorin Dejan Jankoviç.

Pesë nga ta u liruan të mërkurën, ndërkaq sot u liruan edhe katër të tjerë, por jo edhe Jankoviç të cilit tashmë iu ka caktuar masa e ndalimit 48 orësh.

LEXONI GJITHASHTU:

• Ç’po ndodh me policinë e Kosovës? Avokati serb zbardh planin: Çfarë synon Vuçiç
• Ndalimi i policëve/ Haradinaj: Kosova t’i japë ultimatum të prerë Serbisë