Ndalohet lundrimi i anijeve të peshkimit në Vlorë, shkak moti i keq

Moti i keq me rreshje shiu dhe erë ka bërë që të pezullohet lundrimi në Vlorë. Sipas njoftimit janë ndaluar lejet e lundrimit për mjetet e vogla lundruese, anijeve të peshkimit që operojnë jashtë gjirit të Vlorës dhe janë njoftuar për marjen e masave për sigurimin e tyre.

Sipas parashikimeve ky ndalim që ka nisur nga ora 08:00  e ditës së sotme (16 maj) do vazhdojë deri në orën 16:00 të datës 17 maj.

Njoftimi i plotë i kapitenerisë së Vlorës

Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj gjatë datave 16-17.05.2023 duke filluar nga ora 08:00 datë 16.05.2023 në drejtimin Jug-Jug-Lindje në forcën deri 6bft me shpejtësi ere deri 15m/s, dhe lartësi dallge deri 2.00m brenda gjirit të Vlorës dhe jashtë gjirit të Vlorës në forcën deri 7bft me shpejtësi ere deri 25m/s dhe lartësi dallge nga 2.00 deri 2.50 metra.

1.Është ndaluar dhënia e leje – nisjes gjatë datave 16-17.05.2023 duke filluar nga ora 08:00 date 16.05.2023 për të gjitha mjetet e vogla lundruese, anijeve të peshkimit që operojnë jashtë gjirit të vlorës dhe janë njoftuar për marjen e masave për sigurimin e tyre.

2. Mjetet e vogla lundruese dhe anijet e peshkimit që operojnë brenda gjirit të vlorës të kenë në konsideratë kushtet e parashikuara të përkeqësuara dhe marjen e masave për sigurimin e tyre.
3. Janë njoftuar drejtuesit e anijeve të peshkimit dhe mjetet e vogla lundruese për situatën e përkeqësuar dhe për merrjen e masave për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 16-17.05.2023
4. Anijet e transportit ndërkombëtar detar do të vazhdojnë të operojnë normalisht sipas destinacioneve.
5. Përmirësimi i situatës hidrometeorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas orës 16:00 datë 17.05.2023.

LEXONI GJITHASHTU:

• Cenaj: Fitorja e Fredi Belerit, prova që zgjedhjet ishin plotësisht të lira
• Zgjedhjet në Turqi dhe Shqipëri/ Në vendin tonë, pjesëmarrje e ulët në votime