Ndalohet në Jarinjë një person i dyshuar për krime lufte në Kosovë
Policia e Kosovës në pikën kufitare të Jarinjës, ka ndaluar një person i cili dyshohet se ka kryer Krime lufte kundër popullatës civile gjatë luftës në Kosovë.
Policia ka thënë se sipas hetimeve të kryera nga Hetuesit e Sektorit për Hetimin e Krimeve të Luftës, i dyshuari me iniciale D.R. është i dyshuar për veprën penale “Krime lufte kundër popullatës civile” të kryer gjatë luftës në Kosovë (1998-1999), në komunën e Gjakovës në periudhën kohore 07-10 maj 1999, duke vepruar në grup dhe të organizuar si zyrtar të mobilizuar me njësi të përbëra nga MUP-i serb.
“I dyshuari është shoqëruar në Policinë e Kosovës, ku është intervistuar në prani të avokatit të tij mbrojtës. Prokurori i rastit në Prokurorinë Speciale të Republikës së Kosovës është informuar për të gjitha veprimet hetimore dhe ka lëshuar aktvendimin për ndalimin e të dyshuarit për 48 orë, në përputhje me procedurat ligjore në fuqi”, thuhet në njoftim.
Policia e Kosovës është shprehur e përkushtuar të vazhdojë me hetimet dhe bashkëpunimin e ngushtë me autoritetet përkatëse për të siguruar drejtësi lidhur me krimet e luftës në Kosovë.
Kryefaqja
Kurti: Jemi të gatshëm për komunikim me opozitën
Kryeministri Rama uron 27-vjetorin e Çlirimit, publikon pamje nga hyrja e trupave të NATO-s në Kosovë
Kurti për zgjedhjen e presidentit: Duhet bërë bashkëpunim me opozitën
- 17:04 Irani dhe Omani kanë të drejta mbi Ngushticën e Hormuzit, UNCLOS: Anijet e të gjitha shteteve gëzojnë të drejtën e kalimit
- 17:03 Zyrtari iranian: Trump pranoi të lirojë 24 miliardë dollarë nga asetet e ngrira
- 16:54 Orban rizgjidhet kryetar i ‘Fidesz’ pavarësisht humbjes së zgjedhjeve në Hungari
- 16:44 Himarë, policia ndihmon 5 turistë të huaj në zonën e Gjirit të Filikurit. Shpëtohen në kohë
- 16:41 Koreja e Veriut dënon shitjen e raketave amerikane prej 300 milionë dollarësh për Seulin
- 16:33 Pesë të vdekur pas rrëzimit të një aeroplani të Forcave Ajrore indiane