Ndarja nga jeta e biznesmenit Dritan Mezini, Rama: Dje ishim në të njëjtën tryezë

Kryeministri Edi Rama ka shprehur keqardhjen për ndarjen nga jeta të sipërmarrësit të njohur në Shqipëri dhe Kosovë, Dritan Mezinit.

Përmes një njoftimi në Facebook, Rama ka shkruar gjatë ditës së djeshme, ai ka qenë në të njëjtën tryezë me Mezinin, në kuadër të mbledhjes së Këshillit Ekonomik Kombëtar.

Rama thotë gjithashtu se fjalët për Mezinin ishin gjithmonë pozitive dhe se ai ishte anëtar i shumë organizatave e forumeve.

Reagimi i Ramës:

Nuk e besoj dot që Dritan Mezini nuk është më sot, teksa dje pasdite ishte me ne në tryezën e Këshillit Ekonomik Kombëtar.

Nuk e njihja personalisht nga afër, por fjalët për të ishin gjithnjë të mira dhe fjalët e tij ishin gjithnjë interesante. Një anëtar i spikatur i shumë organizatave, shoqatave, forumeve e platformave, njëkohësisht dhe një sipërmarrës i suksesshëm në fushën e teknologjisë së informacionit, si edhe një mentor i shumërespektuar për plot të rinj lidhur me inovacionin e me tregun e punës.

Keqardhje e madhe! U prehtë në paqe

LEXONI GJITHASHTU:

• Krahu i djathtë i Dumanit: Vrasjen e biznesmenit te liqeni e porositi Eldi Dizdari
• Akuzohet se vodhi 290 mijë euro në banesën e biznesmenit grek, ekstradohet shqiptari