Ndarja nga jeta e Ismet Bellovës, reagon Duka: Zë unik i sportit

Ndarja nga jeta e Ismet Bellovës, një nga emrat më të njohur të gazetarisë sportive në Shqipëri, ka trishtuar komunitetin e sportit në vend.

Presidenti i Federatës Shqiptare të Futbollit, Armand Duka, përmes një postimi në rrjetet sociale, e cilësoi Bellovën si një zë unik dhe një mjeshtër të fjalës:

“Komentatori i shquar i Radio Tiranës, zëri unik i futbollit shqiptar, që ka komentuar në ditë të vështira e historike të sportit shqiptar, mjeshtër i fjalës dhe profesionist i rrallë, që me zërin e tij shoqëroi breza të tërë, profesor dhe mik i mirë, i respektuar nga i madh e i vogël për gjurmën që la, ndërroi jetë pasi jetoi gjithmonë si një njeri shumë i dashur. Prehu në paqe, Ismet Bellova. Zëri yt i paharruar dhe fisnikëria jote do të jetojnë gjatë në zemrat e atyre që u rritën duke të dëgjuar. Do të të kujtoj gjithmonë me respekt dhe mall.”

Ismet Bellova njihej për kontributin e tij të jashtëzakonshëm në promovimin e futbollit shqiptar dhe për aftësinë e tij të veçantë për të transmetuar emocionin e ndeshjeve për breza të tërë.

LEXONI GJITHASHTU:

• Ndahet nga jeta legjenda gazetarisë sportive, komentatori i njohur Ismet Bellova
• Eksperiment i Euronews: TikTok me përmbajtje edukative në Kinë, argëtuese në Europë