Ndërhyrja në sistemin TIMS, Prokuroria kërkon hetime shtesë për çështjen

Prokuroria e Tiranës ka regjistruar procedim penal në lidhje me kallezimin e AMP, për ndërhyrjen në sistemin TIMS, për veprat penale të “Shpërdorim detyre” dhe “Ndërhyrje e pa autorizuar kompjuterike”.

Në kuadër të këtyre hetimeve, Prokuroria i ka kërkuar AMP të kryejë hetime të tjera siç janë marrja në pyetje e të gjithë zinxhirit drejtues dhe efektivët bazë që kanë pasur lidhje me rastin konkret. Gjithashtu dhe veprime të tjera hetimore që kanë të bëjnë me sigurimi e disa provave që lidhen me akt ekspertime të kompjuterave, sistemeve etj.

Ndërhyrja në sistemin TIMS u krye pas emërimeve të reja në postet kyce të sistemit të informacionit në Policinë e Shtetit, siç janë:

Ervin Muça, Drejtor në Departamentin për Teknologjinë e Informacionit, në Drejtorinë e Përgjithshme të Policisë së Shtetit

Besjan Tonuzi, Drejtor i Sistemeve ne Drejtorinë e Përgjithshme të Policisë së shtetit (1 muaj në këtë detyrë, larguar me dorëheqje).

Enri Ndoni, Emëruar pas largimit të Besjan Tonuzit, Drejtor i Sistemeve në Drejtorinë e Përgjithshme të Policisë së Shtetit

Ervina Gjana – Drejtore, në Drejtorinë për Hetimet e Krimeve Kibernetike, në Departamentin e Policisë Kriminale, në Drejtorinë e Përgjithshme të Policisë së Shtetit

Kallëzimi i AMP në Prokurorinë e Tiranës erdhi pak ditë pasi ambasada e SHBA ngriti shqetësimin për rrjedhjen e të dhënave.

I ngarkuari me punë i ambasadës amerikane në Tiranë, Martin McDoëell në një takim me ministrin e Brendshëm Taulant Balla shprehu shqetësimin e SHBA lidhur me shkeljen në sistemin TIMS në Policinë e Shtetit, duke kërkuar hetim të shpejtë dhe të plotë.

LEXONI GJITHASHTU:

• Ekskluzive| Skandali TIMS, drejtuesit e rinj të Policisë që i shpëtuan drejtësisë
• Ndërhyrja në TIMS, ja kush është grupi i ri brenda Policisë së Shtetit