Kambanës së alarmit se rrjetet sociale dhe portalet online po përdoren për fushata keqinformimi i ra edhe numri një i Shërbimit Informativ Shtetëror.
Vlora Hyseni në raportimet e saj të rralla me dyer të hapura në komisionet parlamentare deklaroi se vende me qëllime keqdashëse ndaj Shqipërisë po shfrytëzojnë çdo platformë digjitale për të ndërhyrë në situata të brishta të sigurisë dhe në proceset zgjedhore.
Me vlerësimin se gjithnjë e më tepër shpërndarja e të pavërtetave po sofistikohet dhe identifikimi i autorëve është i vështirë, Vlora Hyseni kërkoi forcim të legjislacionit në detyrimin për llogaridhënie të financimeve në raport proporcional me kërcënimin.
Të njëjtin shqetësim raporti edhe drejtorja e Agjencisë Kombëtare të Shoqërisë së Informacionit anëtarëve në komisionin e posaçëm parlamentar kundër keqinformimit me kryetar Erion Braçe.
Edhe nga dy raportimet e fundit te drejtueseve te SHISH dhe AKSHI, nuk u fol për emra të përveçëm portalesh që financohen nga vende armiqësore.
LEXONI GJITHASHTU:
- Rreziku nga lufta hibride| NATO, stërvitje për të përballuar sulmet kibernetike ruse
- Polonia akuzon Rusinë për sulme kibernetike
