Ndoja del kundra: Tërheqja e firmave për Avokatin e Popullit nuk është burrëri

Deputeti i Partisë Demokratike Arjan Ndoja këtë të martë, ka kritikuar vendimin e deputetëve të opozitës për t’u tërhequr nga mbështetja për kandidatët për Avokatin e Popullit, duke e cilësuar këtë veprim si të pamoralshëm dhe të papranueshëm politikisht.

Gjatë diskutimeve në Komisionin e Ligjeve, Ndoja theksoi se, pavarësisht debatit moral, nga pikëpamja juridike tërheqja e firmave sjell automatikisht humbjen e mbështetjes për kandidatët.

Sipas tij, hapi i radhës duhet të jetë rihapja e procedurës dhe shpallja e kandidatëve të rinj në përputhje me kuadrin ligjor.

Duke iu drejtuar mazhorancës, deputeti ngriti edhe çështjen e vullnetit politik për t’ia lënë opozitës drejtimin e institucionit të Avokatit të Popullit.

“Nga ana morale kjo nuk është as burrërore, as etike. Por juridikisht bie mbështetja kur tërhiqet firma. A keni vullnet politik t’ia lini opozitës këtë post? Nëse po, e rihapim procedurën për të risjellë kandidatët komfor rregullave.”-tha Ndoja.

LEXONI GJITHASHTU:

• Homazhet për Fatos Nanon, Mediu, Duka dhe Ndoja mbërrijnë në Pallatin e Kongreseve
• GJKKO urdhëron SPAK të hetojë deputetin e Partisë Demokratike, Arjan Ndoja