Ndryshimet në qeveri, Bardhi-Ramës: Fillo me respektimin e votës së lirë

Pas përfundimit të mbledhjes informale dy ditore të qeverisë në Tepelenë kryeministri Rama deklaroi se kanë reflektuar mbi arritjet dhe kanë vendosur piketa për vijimin e punës. Sekretari i Përgjithshëm i Partisë Demokratike, Gazment Bardhi ka reaguar pas kësaj deklarate duke thënë se rikonceptimi i qeverisjes nis nga respekti për votën e lirë.

Sipas tij është thelbësor largimi i kreut të qeverisë, duke e cilësuar Ramën si më të korruptuarin dhe të lidhurin me krimin e organizuar në Europë.

“Makiazhi mbi fytyrën e korrupsionit nuk e ndryshon realitetin e keqqeverisjes që po vuajnë çdo ditë qytetarët. Sot Edi Rama është kreu i një grupi parlamentar që ka në përbërje të tij një të arratisur të shpallur në kërkim ndërkombëtar nga drejtësia. Shqiptarët kërkojnë zgjidhje.  E vetmja zgjidhje është largimi i Edi Ramës dhe mbajtja e tij përgjegjës për korrupsionin dhe lidhjet me krimin e organizuar,” – u shpreh Bardhi.

LEXONI GJITHASHTU:

• Largimi i Gjiknurit e ndryshimet në kabinet, Rama flet për zhvillimet në PS e qeveri
• “Turizmi në nivelet e Greqisë”, Rama: Kemi krijuar besim te investitorët e huaj