Ndryshimi i akuzës për fisin Rraja, Jashar Maja: Do kërkojmë riekspertim

Jashar Maja ka reaguar për Euronews Albania lidhur me ndryshimin e akuzën nga ana e Prokurorisë së Tiranës për anëtarët e fisit Rraja, të cilët e dhunuan me sendet të forta pak kohë më parë pas konfliktit për një gurore.

Maja u shpreh se nuk janë dakord me vendimin që ka marrë Prokuroria dhe do kërkojnë riekspertim të kësaj çështje nga fillim deri më tani.

“Bilbili ka kryer një ndërhyrje kirurgjikale në kokë në Itali për shkak të dhunës së ushtruar, do të kryejë sërish një ndërhyrje tjetër në dorë gjatë këtyre ditëve. Unë nuk e di si e quan prokuroria plagosje të lehtë sepse janë pamjet filmike që tregojnë të gjithë dhunën e ushtruar ndaj meje dhe Bilbilit. Kërkoj drejtësi për këtë çështje”, u shpreh Maja.

Prokuroria e Tiranës ka ndryshuar akuzën për anëtarët e fisit Rraja të cilët dhunuan në mënyrë brutale Bilibil dhe Jashar Majën.

Në nisje të hetimeve, personat e përfshirë në këtë ngjarje u akuzuan për “plagosje të rëndë me dashje, në bashkëpunim”, por më pas Prokuroria ka vlerësuar se hetimi duhet të vijojë për “plagosje të lehtë me dashje”.

Sipas Prokurorisë ndryshimi i kualifikimit ka ardhur pas administrimit të akt-ekspertimeve mjeko ligjore ndaj të dëmtuarve.

LEXONI GJITHASHTU:

• Rrajat akuzohen për plagosje të lehtë me dashje? Reagon zyrtarisht prokuroria
• Ndryshon akuza për fisin Rraja, të arrestuarit do të hetohen për “plagosje të lehtë”