Në gjendje të dehur do vetëhidhej nga tarraca, shpëtohet 68-vjeçari nga policia

Një ngjarje e rëndë është parandaluar falë ndërhyrjes së shpejtë të Policisë në rrugën “Niko Avrami” në Tiranë, ku një 68-vjeçar kërcënonte të hidhej nga tarraca e një ndërtese 4-katëshe.

Shërbimet e Komisariatit të Policisë Nr. 4 ndërhynë menjëherë pas marrjes së njoftimit dhe arritën të bindin shtetasin me iniciale Q. Z. të zbriste nga tarraca. Ai dyshohet se ndodhej nën efektin e alkoolit dhe u transportua menjëherë në spital për ndihmë mjekësore.

Paraprakisht, motivi i ngjarjes lidhet me një konflikt familjar për ndarjen e pasurisë, një çështje e cila është trajtuar më herët nga autoritetet dhe është referuar në Prokurori. Hetimet vijojnë për sqarimin e plotë të rrethanave të rastit.

LEXONI GJITHASHTU:

• U gjet pa shenja jete në ambientet e teqesë, policia njoftim për klerikun e njohur
• Të shtënat me armë zjarri në Malësi të Madhe, policia zbardh ngjarjen