Në kërkim ndërkombëtar për kultivim narkotikësh, ekstradohet nga Spanja shqiptari

Një shtetas shqiptar i kërkuar ndërkombëtarisht për kultivim dhe prodhim narkotikësh është ekstraduar nga Madridi në Shqipëri, falë bashkëpunimit mes Interpol Tiranës dhe autoriteteve spanjolle.

Ndaj të ekstraduarit , Fabion Gjoni, 30 vjeç, lindur në Koplik, Gjykata e Shkodrës kishte caktuar në vitin 2023 masën e sigurisë “Arrest në burg”, për akuzat “Kultivimi i bimëve narkotike” dhe “Prodhimi dhe shitja e narkotikëve”.

Sipas hetimeve, në tetor 2022, pranë banesës së tij në fshatin Bardhaj, Shkodër, u zbulua një serë ku ishin kultivuar bimë narkotike, ndërsa 87 kilogramë kanabis në proces tharjeje u gjetën në afërsi të saj.

Pas ekstradimit, 30-vjeçari do të përballet me drejtësinë shqiptare për veprat penale të cilat akuzohet se ka kryer.

Vijon puna nga autoritetet përkatëse për ekstradimin nga Spanja të Fabion Gjonit.

LEXONI GJITHASHTU:

• I dënuar në Itali për disa vepra penale, arrestohet 45-vjeçari në Tiranë
• Arrestohet 52-vjeçari në Këlcyrë, i gjendet kallashnikov në banesë